A MIÑA CIDADE CHÁMASE...VIGO

REMATAMOS O NOSO PROXECTO SOBRE A ARTE EN VIGO. NEL TRABALLAMOS PINTURA, ESCULTURA E ARQUITECTURA. 

DESENVOLVEMOS MOITAS ACTIVIDADES:

• PINTURA EN DIFERENTES FORMATOS E SOPORTES
• ACTIVIDADES DE EXPRESIÓN ORAL (GRAVACIÓNS, VIDEOS)
• TIC (XOGOS  CREADOS PARA DESENVOLVER O NOSO PROXECTO (LIBRO LIM E KAHOOT), LECTURA DE CÓDIGOS QR, APP PARA FACER REALIDADE AUMENTADA COAS BANDEIRAS...).
• SAÍDAS AOS MUSEOS, Á BIBLIOTECA E POLO ENTORNO.

ESTE LIBRIÑO TAN ESPECIAL É FROITO DA ANDAINA PERCORRIDA AO LONGO DESTES MESES. A VERDADE QUE ESTE PROXECTO ENGAIOLOU TANTO AOS PEQUES COMO A MESTRA. AGRADECER AOS PAIS/NAIS QUE COLABORARON FACENDO OBRADOIROS NA NOSA AULA E QUE PARTICIPARON NA ANIMACIÓN Á LECTURA.

Arte en Vigo

Publish at Calameo

PINTANDO A PORTADA DO NOSO PROXECTO

ARTE NA RÚA, ESCULTURAS

ESTAMOS REMATANDO O NOSO PROXECTO DE ARTE EN VIGO, E ESTAMOS GRAVANDO A INFORMACIÓN DALGUNHAS ESCULTURAS DA NOSA CIDADE PARA INCLUÍR NO PROXECTO.
QUEREDES ESCOITAR O QUE SABEN ESTES PEQUES...

ESCULTURAS DE VIGO

DECORAMOS ESTE LIBRO E FIXEMOS AS IMAXES CUNHA APP. AXUDÁRONNOS A GRAVAR O TEXTO O ALUMNADO DE 3º DE PRIMARIA DA PROFE FILO. OS PEQUES GRAVAMOS A FADA E O DRAGÓN.

IMAXE DOS PEQUES ELABORANDO AS COLAXES PARA CREAR ESTE PEQUENO LIBRO

ARTE EN VIGO NO FARO DA ESCOLA

ESTAS SON AS PÁXINAS QUE PRESENTAMOS,   PARA A ELABORACIÓN DE "FARO DA ESCOLA" . COMPARTIMOS NESTAS PÁXINAS EXPERIENCIAS REALIZADAS NA NOSA AULA DE 5 ANOS PARA DESENVOLVER O NOSO PROXECTO DE ARTE EN VIGO

KAHOOT, ARTE EN VIGO

KAHOOT É UNHA FERRAMENTA DIXITAL FABULOSA, PARA GAMIFICAR NA AULA.
PERMITE CREAR CONTIDOS PARA O ALUMNADO. 
É UN XOGO,  NO QUE TODOS OS EQUIPOS RESPONDEN A UNHAS PREGUNTAS Á VEZ.  
DIVIDÍN A CLASE EN EQUIPOS DE TRES E PROXECTAMOS A PANTALLA DO ORDENADOR  CO CANON. CADA EQUIPO INTRODUCIU O CÓDIGO NUMÉRICO NO IPAD PARA COMEZAR A XOGAR.

PARA RESPONDER AS PREGUNTAS USAN DISPOSITIVOS  (TABLET, IPAD, ORDENADOR...). 

AS PREGUNTAS DESTE KAHOOT, ESTÁN RELACIONADAS CO NOSO PROXECTO DE AULA "ARTE EN VIGO". 

ESTAS SON ALGUNHAS DAS PREGUNTAS QUE COMPOÑEN O XOGO

AOS PEQUES E A MESTRA DESFRUTARON MOITO FACENDO ESTA ACTIVIDADE.

O ENLACE PARA ACCEDER AO XOGO É O SEGUINTE:
play.kahoot.it/#/k/addf8d8f-0…
PARA VISIONAR O XOGO HAY QUE CREAR UNHA CONTA EN KAHOOT.

MÁIS NFORMACIÓN SOBRE O KAHOOT NA SEGUINTE PÁXINA PROYECTO GUAPPIS

BIBLIOTECA JUAN COMPAÑEL E CASCO VELLO

SEGUIMOS TRABALLANDO NO NOSO PROXECTO DE ARTE EN VIGO. VISITAMOS A BIBLIOTECA JUAN COMPAÑEL, NA QUE NOS EXPLICARON O FUNCIONAMENTO DA MESMA, MOI DIDÁCTICO E MOTIVADOR PARA OS PEQUES, QUE ESTIVERON MOI ATENTOS. DESFRUTAMOS MOITO FACENDO DIVERSAS ACTIVIDADES . AO REMATAR A VISITA DA BIBLIOTECA, FIXEMOS UN PERCORRIDO POLO CASCO VELLO, NO CASTELO DE SAN SEBASTIÁN MERENDAMOS E XOGAMOS. 
UN DÍA ESTUPENDO!

ENCONTRO NA AULA CON MENCHU LAMAS.

HOXE TIVEMOS UN DÍA ESPECIAL, RECIBIMOS A VISITA DE MENCHU LAMAS.

VISITOU A NOSA EXPOSICIÓN DE CADROS QUE COLGAMOS NO CORREDOR.

CONTOUNOS UNHA MOREA DE COUSAS : 

• QUE A SÚA COR FAVORITA É O OCRE
• QUE CANDO ESTUDOU NON QUERÍA SER PINTORA, SENÓN QUE QUERÍA SER FOTÓGRAFA
• QUE TEN MOITOS AMIGOS PINTORES E ESCULTORES, E QUE UN DELES É  FRANCISCO LEIRO, O CREADOR DO SEREO
• AS SÚAS PRIMEIRAS EXPERIENCIAS COA PINTURA AO CARÓN DA SÚA NAI...

UNHA VISITA ENTRAÑABLE!!! 💙

AGASALLOUNOS CON VARIOS CATÁLOGOS; USARÉMOLOS MOITO NA AULA PARA COÑECER MÁIS OBRAS E SEGUIR DESENVOLVENDO O NOSO PROXECTO. 

GRAZAS MENCHU POR VIR COÑECER ESTES PEQUES ARTISTAS, 

DESFRUTAMOS MOITO COA TÚA VISITA!!!

NO VIDEO PÓDENSE VER ALGÚNS MOMENTOS DA SÚA VISITA NA AULA

GUÍA DE VIGO

ESTA É UNHA MOSTRA DA GUÍA QUE REALIZARON OS PEQUES.

O PASEO DOS PEIXES

RECREANDO O PASEO DOS PEIXES, OBRA DO ESCULTOR JOSÉ MOLARES, SITUADO EN BOUZAS. 

MUSEO MARCO, VIVENCIANDO O ESPAZO

SEGUIMOS DESENVOLVENDO O NOSO PROXECTO DE ARTE EN VIGO.  

VISITAMOS O MARCO. A TRAVÉS DE  EXERCICIOS E EXPERIENCIAS CO ESPAZO, COAS PERCEPCIÓNS, COS MATERIAIS...ACHEGAMOS A ARQUITECTURA AOS PEQUES.

FIXEMOS UN BOSQUEXO DA FACHADA DO MUSEO, DEBUXAMOS O PLANO DO EDIFICIO E PASÁMOLO XENIAL!!!

APROVEITAMOS A VISITA AO MUSEO MARCO PARA SENTARNOS NO "FAROL", OBRA DE JENARO DE LA FUENTE.
"LA FAROLA" COÑECIDA COMO LUGAR DE ENCONTRO NO CENTRO DA NOSA CIDADE,

ARTE EN VIGO, XOGANDO COAS ESCULTURAS

ESTE LIBRO LIM RECOLLE ALGÚNS DOS CONTIDOS TRABALLADOS NO NOSO PROXECTO DE AULA

PREME NESTE ENLACE PARA FACELO GRANDE

XOGANDO NO ENCERADO DIXITAL 

PREPARANDO O ENTROIDO

AS ESCULTURAS DA NOSA CIDADE ESTÁN PRESENTES NOS TRABALLOS DE AULA. A OBRA ESCULTÓRICA DE JOSÉ MOLARES EN BOUZAS " O PASEO DOS PEIXES", INSPIROUNOS Á HORA DE ELIXIR O DISFRACE DE ENTROIDO. 
LEVAMOS UNHAS SEMANAS DE MOITO TRABALLO, PINTANDO O TRAXE, ELIXINDO AS CORES, E BOTANDO BRILLANTINA. PERO COMO PODEDES VER, ENCÁNTANOS PINTAR.

DECORAMOS A PORTA DA AULA CO TEMA DO ENTROIDO, A PETICIÓN DOS PEQUES.
NON PODÍA FALTAR “O NADADOR”!!!

TEMPO DE ENTROIDO!!!

OLLANDO A NOSA CIDADE, O PLANO, AS RÚAS, OS EDIFICIOS

HOXE VISITOUNOS FINO CASTRO, O PAPÁ DE MARTIÑA, PARA ACHEGAR A ARQUITECTURA,  AOS NENOS E NENAS DA AULA,  A TRAVÉS DUN OBRADOIRO MOI INTERESANTE. 

TRÓUXONOS A FOTO DE DOUS ARQUITECTOS VIGUESES, PRESENTES NA NOSA PAISAXE URBANA, QUE XA COLOCAMOS NO RECUNCHO DO NOSO PROXECTO SOBRE VIGO.

CADA NENO OU NENA PINTOU UN EDIFICIO DE VIGO.  FALOUNOS UN POUCO DELES E DOS ARQUITECTOS QUE OS DESEÑARON. 

UNHA VEZ COLOREADO BUSCABAN O SEU EDIFICIO (TEATRO GARCÍA BARBÓN, ESCOLA DE ARTES E OFICIOS, EDIFICIO SANCHÓN...) NUNHA FOLLA MÁIS PEQUENA PARA COLOCALA NO PLANO DA NOSA CIDADE E FACER UNHA MAQUETA.

TROUXO UN PLANO  DA RÚA GARCÍA BARBÓN ATA POLICARPO SANZ, SITUANDO NEL UNHAS ESCULTURAS MOI COÑECIDAS POLOS PEQUES, "O SEREO" E "GARCÍA BARBÓN". TAMÉN O PLANO DO COLEXIO.

DESCUBRIMOS MOITAS COUSAS DA CIDADE ONDE VIVIMOS

ESTAS SON ALGUNHAS DAS IMAXES REALIZADAS NO OBRADOIRO

GuardarGuardarGuardarGuardarGuardarGuardarGuardarGuardarGuardarGuardar

O CAPITÁN NEMO

HOXE, RECIBIMOS NA AULA UNHA VISITA MOI ESPECIAL, O CAPITÁN NEMO.

OS NENOS E NENAS DE 5 ANOS, QUE ESTÁN MOI MOTIVADOS TRABALLANDO O PROXECTO DE ARTE EN VIGO, ESTIVERON ENCANTADOS DE RECIBILO. DEIXOULLES POÑER A SÚA GORRA DE CAPITÁN,  E RESPONDEU UNHA MOREA DE PREGUNTAS, COMO:

ERES O VERDADEIRO CAPITÁN NEMO?, ONDE DEIXACHES O NAUTILUS? CANTOS IDIOMAS COÑECES?, PODES DICIR UNHAS PALABRAS  EN INDIO?, CANTOS PAÍSES VISITASTE?, COMO ERA O POLBO?, TIÑAS MEDO DO POLBO? COMO SE PODE RESPIRAR NUN SUBMARINO? COMO CONSIGUES A COMIDA NO SUBMARINO? TES NOIVA? VIVEN OS TEUS PAIS? COMO SE CHAMAN? PODERÍAS VIR BUSCARNOS OUTRO DÍA E LEVARNOS NO NAUTILUS?... 

OS PEQUES FIXÉRONLLE UN PAR DE DEBUXOS DO NAUTILUS PARA QUE LEVARA DE RECORDO DA VISITA. 

GuardarGuardar

VIAXANDO NO TEMPO CO NAUTILUS

RECIBIMOS A INVITACIÓN DO ALUMNADO DE TERCEIRO DE E. PRIMARIA  PARA QUE OS VISITEMOS NA 3º PLANTA DO COLEXIO E QUE NOS MOSTREN OS SEUS TRABALLOS PLÁSTICOS, SOBRE O NAUTILUS, OS FONDOS MARIÑOS, OS MERGULLADORES, A PONTE DE RANDE E O TESOURO QUE SE ATOPOU ALÍ. 

XA VOS IMAXINADES QUE O SEU PROXECTO DE AULA É SOBRE JULIO VERNE E A SEU LIBRO "20.000 LEGUAS DE VIAJE SUBMARINO".

OS CORREDORES E AS PORTAS DAS AULAS ESTÁN DECORADAS CON TEMAS E MENSAXES SOBRE O SEU PROXECTO.

CONVERSARON CON NÓS SOBRE OS PERSONAXES MÁIS IMPORTANTES DO LIBRO "20.000 LEGUAS DE VIAJE SUBMARINO"  E APRENDEMOS COUSAS INTERESANTES QUE NON COÑECÍAMOS DO CAPITÁN NEMO.

GUSTOUNOS MOITO QUE NOS ENSINASEN OS SEUS TRABALLOS. FOI XENIAL!!!

ESTA É A INVITACIÓN QUE RECIBIMOS NA AULA

"A SEREA FRAUTISTA" DA PINTORA MENCHU LAMAS

NO PROXECTO QUE ESTAMOS DESENVOLVENDO SOBRE A  ARTE NA NOSA CIDADE, ADEMAIS DE ESCULTURA, TAMÉN COÑECEMOS ALGUNHAS OBRAS DOS PINTORES: MENCHU LAMAS E SERAFÍN AVENDAÑO. 

O CADRO ELIXIDO POLO ALUMNADO DE 5 ANOS PARA DECORAR A CORTICEIRA DO CORREDOR É "A SEREA FRAUTISTA". ESTA É UNHA PEQUENA MOSTRA DO PROCESO DE CREACIÓN 

JULIO VERNE, UNHA ESCULTURA DE JOSÉ MOLARES

ESTA É UNHA DAS OBRAS DO ESCULTOR JOSE MOLARES QUE MÁIS LLES GUSTA AOS PEQUES

O ESCULTOR VIGUÉS JOSÉ MOLARES










COÑECEMOS ALGUNHAS NOVELAS DE AVENTURAS DO ESCRITOR JULIO VERNE, VINCULADO COA NOSA CIDADE, A TRAVÉS DE CONTOS, E DAS PELÍCULAS DAS TRES MELLIZAS.
SABEMOS QUE O ESCULTOR INSPIROUSE NA NOVELA:  "20.000 LEGUAS DE VIAJE SUBMARINO" PARA CREAR A SÚA OBRA.

 "LA VUELTA AL MUNDO EN 80 DÍAS" 

MENCHU LAMAS, PINTORA VIGUESA

SEGUIMOS CO NOSO PROXECTO DE ARTE EN VIGO.  CON ESTE PEQUENO VIDEO, RECOÑECEMOS ALGUNHAS DAS OBRAS DA PINTORA,  MENCHU LAMAS, EXPOSTAS NA AULA DURANTE ESTE PRIMEIRO TRIMESTRE.

O SIRENO

ENCÁNTANOS DECORAR O CORREDOR E A PORTA DA NOSA AULA. 
BOTADE UNHA OLLADA AO "NOSO SIRENO". 
CANTO DESFRUTAMOS PINTANDO!

A ESCULTURA DA FADA E O DRAGÓN

ESTA ESCULTURA ESTÁ SITUADA NO PASEO DE ALFONSO EN VIGO. ESCOITADE AOS PEQUES DE 5 ANOS O QUE NOS CONTAN DELA